दादा पाटील महाविद्यालयाच्या संस्कृती शिंदेची पश्चिम विभागीय आंतरविद्यापीठ स्पर्धेकरिता निवड
कर्जत (प्रतिनिधी) :- कर्जत येथील रयत शिक्षण संस्थेच्या दादा पाटील महाविद्यालयाची कबड्डीपट्टू सोनाली संस्कृती जयदीप शिंदे हिची नुकतीच पश्चिम विभागीय आंतरविद्यापीठ कबड्डी स्पर्धेत निवड झाली आहे. २१ ते २५ डिसेंबर या कालावधीत सदर स्पर्धा मध्यप्रदेश येथील महाराजा छत्रसाल बुंदेलखंड विद्यापीठ येथे होणार आहेत. संस्कृतीला सेवानिवृत्त क्रीडा शिक्षक व आजोबा प्रा. श्रीकांत शिंदे यांचे मार्गदर्शन लाभले.
कबड्डीपट्टू संस्कृती जयदीप शिंदे हिच्या यशाबद्दल रयत शिक्षण संस्थेचे जनरल बॉडी सदस्य व महाविद्यालय विकास समितीचे अध्यक्ष राजेंद्रतात्या फाळके, रयत शिक्षण संस्थेचे जनरल बॉडी सदस्य व महाविद्यालय विकास समितीचे सदस्य आमदार रोहितदादा पवार, रयत शिक्षण संस्थेचे
जनरल बॉडी सदस्य व महाविद्यालय विकास समितीचे सदस्य अंबादासजी पिसाळ, महाविद्यालय विकास समितीचे सदस्य बप्पाजी धांडे, राजेंद्र निंबाळकर, प्राचार्य डॉ. संजय नगरकर, शारीरिक संचालक डॉ. संतोष भुजबळ, क्रीडा शिक्षक प्रा. शिवाजी धांडे तसेच महाविद्यालयातील प्राध्यापक व शिक्षकेतर सेवक यांनी अभिनंदन केले.
