कर्जत तालुक्यात 80 वर्षीय महिलेवर अत्याचार केल्याचा आरोप; एकाविरुद्ध गुन्हा दाखल
कर्जत (प्रतिनिधी) : कर्जत तालुक्यातील टाकळी खंडेश्वरी येथे 80 वर्षीय वृद्ध महिलेवर तिच्या इच्छेविरुद्ध अत्याचार केल्याचा आरोप करण्यात आला आहे. याप्रकरणी मिरजगाव पोलीस ठाण्यात अमोल आण्णा चव्हाण याच्याविरुद्ध गुन्हा दाखल करण्यात आला आहे.
पोलिसांकडे दाखल तक्रारीनुसार, संबंधित वृद्ध महिला घराजवळील पत्र्याच्या शेडमध्ये राहत होत्या. 26 सप्टेंबर 2026 रोजी रात्री सुमारे 12.30 वाजण्याच्या सुमारास आरोपी शेडमध्ये आला. त्याने बॅटरी मागितल्यानंतर वृद्ध महिलेवर जबरदस्ती केल्याचा आरोप तक्रारीत करण्यात आला आहे. तसेच, हा प्रकार कोणाला सांगितल्यास जीवे मारण्याची धमकी दिल्याचेही तक्रारीत नमूद आहे.
घटनेनंतर वृद्ध महिलेने आपल्या मुलीला याबाबत माहिती दिली. त्यानंतर कुटुंबीयांनी 112 क्रमांकावर पोलिसांना माहिती दिली. माहिती मिळताच पोलिसांनी घटनास्थळी जाऊन पुढील कार्यवाही केली.
या प्रकरणी मिरजगाव पोलीस ठाण्यात FIR क्रमांक 0357/2026 नुसार भारतीय न्याय संहितेतील कलम 64, 329(3), 333, 352 आणि 351(2) अन्वये गुन्हा दाखल करण्यात आला आहे. प्रकरणाचा तपास पोलीस निरीक्षक विजय किसन झांजड यांच्याकडे सोपवण्यात आला असून पोलिसांकडून पुढील तपास सुरू आहे.
महत्त्वाचे : या प्रकरणातील आरोप हे FIRमधील तक्रारीवर आधारित आहेत. आरोप न्यायालयीन प्रक्रियेत सिद्ध होणे बाकी असून, आरोपीला दोषी ठरविणारा कोणताही न्यायालयीन निष्कर्ष अद्याप झालेला नाही.
