बहिरोबावाडी ग्रामपंचायत उपसरपंचपदी स्वाती गहिनीनाथ पठाडे यांची बिनविरोध निवड.
पठारवाडी: आज दिनांक 30 डिसेंबर 2019 रोजी झालेल्या ग्रामपंचायत बैठकीत बहिरोबावाडी उपसरपंच पदासाठी सौ. स्वाती गहिनीनाथ पठाडे यांची बिनविरोध निवड करण्यात आली. ही बैठक माननीय सरपंच सौ. कोमल शरद यादव यांच्या अध्यक्षतेखाली पार पडली.
पूर्वीचे उपसरपंच श्री. नवनाथ धोंडीबा लष्कर यांनी नियमानुसार आपल्या पदाचा राजीनामा दिल्याने हे पद रिक्त झाले होते. या रिक्त पदासाठी सौ. स्वाती गहिनीनाथ पठाडे यांचे नाव एकमताने पुढे आले. निवडणूक निर्णय अधिकारी आशाताई तापकीर यांनी निवडणुकीची प्रक्रिया पार पाडली.
या बैठकीस ग्रामपंचायतीचे सर्व सदस्य उपस्थित होते. यामध्ये श्री. नवनाथ धोंडीबा लष्कर, सौ. आशा किसन तांदळे, श्री. सचिन भाऊसाहेब लाळगे, सौ. प्रियांका नितीन तोरडमल, श्री. चंद्रशेखर तुकाराम पठाडे, सौ. चंद्रकला प्रभाकर तोरडमल, सौ. स्वाती भागवत तोरडमल, श्री. दादा दशरथ शिंगाडे यांचा समावेश होता.
निवडीनंतर श्री. नितीन तोरडमल यांनी सर्व उपस्थित सदस्यांचे आभार मानले. या वेळी विजय काका तोरडमल, शरद यादव, किसन तांदळे साहेब, गहिनीनाथ पठाडे, मोठा बाप्पू पठाडे, मनोहर निंबाळकर, शरद पठाडे, अण्णा पठाडे यांसह गावातील मान्यवर व ग्रामस्थ मोठ्या संख्येने उपस्थित होते.
सौ. स्वाती गहिनीनाथ पठाडे यांनी आपल्या निवडीसाठी सर्व ग्रामस्थ व सदस्यांचे आभार मानले. त्या म्हणाल्या, “ही जबाबदारी माझ्यासाठी सन्मानाची असून गावाच्या विकासासाठी आणि ग्रामस्थांच्या समस्यांचे निराकरण करण्यासाठी मी सदैव कटिबद्ध राहीन. ग्रामपंचायतीच्या माध्यमातून गावासाठी उपयुक्त निर्णय घेण्यासाठी मला सर्व सदस्यांचे व ग्रामस्थांचे सहकार्य अपेक्षित आहे. गावाची एकता टिकवून ठेवत आम्ही बहिरोबावाडीला प्रगतिपथावर नेऊ.”
सौ. स्वाती गहिनीनाथ पठाडे यांची उपसरपंच म्हणून निवड झाल्याबद्दल संपूर्ण पठारवाडी व बहिरोबावाडी गावकऱ्यांनी त्यांचे अभिनंदन केले आणि शुभेच्छा दिल्या.संपूर्ण गावाने नव्या उपसरपंचांच्या निवडीचा उत्साहाने आनंद साजरा केला.
