प्रियकरचा खून करून फरार झालेल्या आरोपी कर्जत पोलीसान कडून अटक
कर्जत, अहिल्यानगर: कोतवाली पोलीस स्टेशनच्या अधिकाऱ्यांनी अनैतिक संबंधांमुळे झालेल्या खुनाच्या गुन्ह्यातील फरार आरोपी सारस उर्फ राजू दत्तू सुरवसे (वय 29) याची यशस्वीरित्या अटक केली आहे. आरोपीने त्याची प्रियकर संगीता नितीन जाधव (वय 35) यांचा गळा साडीने आवळून खून केल्याचा आरोप आहे. ही घटना 24 फेब्रुवारी, 2025 रोजी रात्री 10:30 वाजता मोहिनीनगर, केडगावदेवी मंदिराजवळ घडली होती.
गुप्त माहितीनुसार, आरोपी कर्जत शहरात येणार असल्याची माहिती मिळाल्यानंतर, कर्जत पोलीस स्टेशनचे प्रभारी अधिकारी दौलतराव जाधव यांनी गुन्हे शोध पथकाच्या अधिकाऱ्यांना तात्काळ कारवाई करण्याचे आदेश दिले. या संदर्भात, सहायक पोलीस निरीक्षक रमीझ मुलाणी, पोकॉ प्रकाश दंदाडे, पोकॉ प्रताप देवकाते, पोकॉ किरण बोराडे आणि इतर अंमलदारांनी कर्जत शहरात सापळा रचून आरोपीची अटक केली.
या गुन्ह्याची नोंद कोतवाली पोलीस स्टेशन येथे गुन्हा क्र. 145/2025 दाखल करण्यात आली आहे. यात भारतीय दंड संहितेच्या कलम 302 (खून), 201 (गुन्ह्याचा पुरावा लपवणे) आणि 34 (सामूहिक हेतू) अंतर्गत कारवाई करण्यात आली आहे. आरोपी यापूर्वीच फरार होता, परंतु पोलीस अधिकाऱ्यांच्या चौकसीमुळे त्याची अटक करण्यात यश मिळाले.
या संपूर्ण कारवाईत पोलीस अधीक्षक राकेश ओला, अप्पर पोलीस अधीक्षक प्रशांत खैरे, उपविभागीय पोलीस अधिकारी विवेकानंद वाखारे आणि पोलीस निरीक्षक दौलतराव जाधव यांचे मार्गदर्शन लाभले. आरोपी यापुढे कोतवाली पोलीस स्टेशनच्या गुन्हे शोध पथकाच्या ताब्यात आहे आणि त्याच्याविरुद्ध चालू असलेल्या कारवाईत पुढील तपास चालू आहे.
पोलीस अधिकाऱ्यांनी या गुन्ह्याच्या तपासातील प्रगतीबाबत वरिष्ठांना माहिती दिली आहे. या घटनेने समाजात खळबळ उडवली आहे आणि पोलीस दलाच्या कारवाईचे कौतुक केले जात आहे.
