दादा पाटील महाविद्यालयात मुलींच्या आंतरविभागीय कबड्डी स्पर्धा संपन्न
कर्जत (प्रतिनिधी) :- सावित्रीबाई फुले पुणे विद्यापीठ यांच्या अंतर्गत दादा पाटील महाविद्यालय कर्जत व अहमदनगर जिल्हा क्रीडा विभाग यांच्या संयुक्त विद्यमाने आंतरविभागीय मुलींच्या कबड्डी स्पर्धा नुकत्याच महाविद्यालयात संपन्न झाल्या
या स्पर्धेचे उद्घाटन रयत शिक्षण संस्थेचे जनरल बॉडी सदस्य व महाविद्यालय विकास समिती सदस्य मा. श्री. अंबादास पिसाळ व सावित्रीबाई फुले पुणे विद्यापीठाचे सहाय्यक क्रीडा संचालक डॉ. दत्ता महादम यांच्या हस्ते संपन्न झाले. कार्यक्रमाच्या अध्यक्षस्थानी प्राचार्य डॉ. संजय नगरकर होते. तसेच याप्रसंगी अहमदनगर जिल्हा हौशी कबड्डी संघटनेचे सहसचिव मा. श्री. विजय मिस्कीन साहेब, पीर हजरत दावत मलिक ट्रस्ट कर्जतचे संचालक, मा. श्री. समशेर सर, सावित्रीबाई फुले पुणे विद्यापीठाचे सिनेट मेंबर डॉ. रमेश गायकवाड, सिलेकक्शन कमिटी मेंबर म्हणून छत्रपती पुरस्कार विजेत्या शोभा भगत, विद्या पठारे, श्री. शंतनू पांडव, यशिवाय या कार्यक्रमासाठी माजी विद्यार्थी संघटनेचे अध्यक्ष सुभाषचंद्र तनपुरे, उपप्राचार्य डॉ. संजय ठुबे, प्रा. प्रकाश धांडे, विजय तोरडमल, सागर लाळगे, अमित तोरडमल, प्रकाश शिंदे, भाऊसाहेब रानमाळ, प्रा. राजेंद्र देवकाते सर महाविद्यालयातील शिक्षक व शिक्षकेतर सेवक उपस्थित होते
या स्पर्धेमध्ये नाशिक जिल्हा, पुणे जिल्हा, अहमदनगर जिल्हा, पुणे शहर येथील संघ सहभागी झाले होते. स्पर्धेचे पंच म्हणून किशोर खुरंगे, किशोर पवार, विठ्ठल शिंदे, विजय जठार, सिताराम पवार, मच्छिंद्र पठारे, शिवाजी वाबळे, श्रीकांत शिंदे, विजय म्हस्के यांनी भूमिका निभावली. या स्पर्धेकरिता सावित्रीबाई फुले पुणे विद्यापीठ अंतर्गत आलेले सर्व संघ व त्या संघाचे प्रशिक्षक मोठ्या संख्येने उपस्थित होते.
स्पर्धेच्या उदघाटन कार्यक्रमाचे प्रास्ताविक व स्वागत प्रा. डॉ. संतोष भुजबळ यांनी केले तर कार्यक्रमाचे आभार प्रा. शिवाजी धांडे यांनी मानले. सूत्रसंचालन प्रा. किरण भोसले यांनी केले
या स्पर्धा यशस्वी केल्याबद्दल रयत शिक्षण संस्थेचे जनरल बॉडी सदस्य व महाविद्यालय विकास समितीचे अध्यक्ष राजेंद्रतात्या फाळके, रयत शिक्षण संस्थेचे जनरल बॉडी सदस्य व महाविद्यालय विकास समितीचे सदस्य आमदार रोहितदादा पवार, रयत शिक्षण संस्थेचे जनरल बॉडी सदस्य व महाविद्यालय विकास समितीचे सदस्य अंबादासजी पिसाळ, महाविद्यालय विकास समितीचे सदस्य बप्पाजी धांडे, राजेंद्र निंबाळकर, प्राचार्य डॉ. संजय नगरकर यांनी शारीरिक संचालक डॉ. संतोष भुजबळ, क्रीडा शिक्षक प्रा. शिवाजी धांडे तसेच महाविद्यालयातील प्राध्यापक व शिक्षकेतर सेवक यांचे अभिनंदन केले.
