राशीन येथील रेशन दुकानदारांकडून ग्राहकांची होत असलेली गळपेच थांबण्याबाबत शिवसेनेची निवेदनद्वारे तहसीलदारांना मागणी.
राशीन (प्रतिनिधी )जावेद काझी. :- राशीन परिसरात एकूण चार शासनमान्य स्वस्त धान्य रेशन दुकान आहेत प्रत्येक दुकानावर अंदाजे चारशे ते सहाशे रेशन कार्ड धारक आहेत. चार दुकानातून मिळून अंदाजे अडीच हजार रेशन कार्ड धारक आहेत. सर्वच दुकानावर अंत्योदय, बीपीएल, प्राधान्य, या रेशन धारकांना प्रत्येक महिन्याला रेशन दुकानावर धान्य मिळते परंतु एपीएल केसरी धारकांना स्वस्त धान्य दुकानवर धान्य मिळत नाही.
केसरी रेशन कार्ड चा उपयोग फक्त इतर शासकीय कामांसाठीच होत असल्याचे ग्राहकांकडून सांगण्यात येत आहे. त्यामुळे वंचित केसरी व इतर लाभधारकांना स्वस्त धान्य दुकानातून अधिकृत रित्या धान्य मिळावे व त्यासाठी लागणारी कागदोपत्री पूर्तता एक महिन्याच्या आत करून घ्यावी तसेच रेशन दुकान ठरलेल्या वेळेवर न उघडणे , प्रत्येक महिन्याच्या शेवटी धान्य वाटप करणे , एकादा धान्य धारक काही कारणास्तव धान्य घेण्यासाठी न गेल्यास पुढील महिन्यात त्यास मागील महिन्याचे धान्य न देणे, रेशन कार्ड ऑनलाइन साठी पैशाची मागणी करणे अशा अनेक तक्रारीचे निवारण संबंधित विभागाने पाठपुरावा करून मार्गी लावणे,
असे मूलभूत प्रश्न मार्गी न लागल्यास शिंदे राशीन शिवसेनेच्या वतीने तीव्र स्वरूपाचे आंदोलन छेडण्याच्या इशारा तहसीलदार यांना निवेदन द्वारे देण्यात आले आहे. हे निवेदन नायब तहसीलदार प्रकाश बुरूगळे यांना देण्यात आले आहे.यावेळी शिंदे शिवसेनेचे तालुकाप्रमुख बापूसाहेब नेटके, युवा सेना तालुकाप्रमुख सोमनाथ शिंदे, तालुका उपप्रमुख वृषभ परदेशी, जिल्हा परिषद पंचायत समिती गटप्रमुख विकास काळे, राशीन शहर प्रमुख दीपक जंजिरे, उपस्थित होते,
