राशिन मध्ये बकरी ईद मोठ्या उत्साहात साजरी. 

राशीन (प्रतिनिधी):- जावेद काझी.राशीन येथे मुस्लिम बांधवांनी बकरी ईदची नमाज सकाळी ८.३० वाजता मोठ्या उत्साहात साजरी करण्यात आली. नमाज चे पठण मौलाना रहीम शेख यांनी केले. त्यावेळी कुर्बानी कशी करावी याबाबत मुस्लिम बांधवांना माहिती दिली.

त्यावेळी दुवाच्या रूपात हिंदू मुस्लिम ऐक्य राहू दे, भाईचारा अबाधित राहू दे, शेतकरी सुजलाम सुफलाम होऊ दे, पाऊस वेळेवर पडू दे, अशी दुवा प्रार्थना अल्लाह कडे करण्यात आली. यावेळी सर्व मुस्लिम बांधवांनी प्रत्येक उपस्थितांची गळाभेट करीत बकरी ईदच्या शुभेच्छा एकमेकांना दिल्या. या संपूर्ण ईदच्या कार्यक्रमाप्रसंगी राशीन पोलीस प्रशासनाच्या वतीने पोलीस उपनिरीक्षक बाळासाहेब मुळीक, कॉन्स्टेबल मुरकुटे, सचिन जाधव, मुरली गोगे, यांच्यावतीने चोख बंदोबस्त ठेवण्यात आलेला होता.