धाकोजी महाराज विद्यालयाचा २७वा वर्धापनदिन मोठ्या उत्साहात साजरा…

समृद्ध कर्जत05/08/2024

245

4 6 1 5 7 8

कर्जत (प्रतिनिधी) :- कर्जत निमगाव डाकू सारख्या ग्रामीण भागात विश्वकर्मा ग्रामविकास संस्थेने धाकोजी महाराज विद्यालय सुरू करून ग्रामिण भागातील विद्यार्थ्यांना शैक्षणिक प्रवाहात आणून या परिसरात एकप्रकारे शैक्षणिक क्रांती घडवली असे गौरव उदगार हभप गोविंद महाराज शिंदे यांनी ग्रंथालयाच्या उदघाटन प्रसंगी काढले. या कार्यक्रमाचे अध्यक्षस्थानी विश्वक मा ग्रामविकास संस्थेचे अध्यक्ष नगरसेवक प्रसाद ढोकरीकर हे होते. पुढे बोलताना हभप गोविंद महाराज शिंदे म्हणाले की, गेल्या २७ वर्षापासून धाकोजी महाराज विद्यालयाने आपली गुणवत्ता टिकून ठेवली असून ग्रामीण भाग असतानाही मुलांच्या शैक्षणिक प्रगतीचा आलेख

सतत उंचावत ठेवून कला क्रिडा व इतर क्षेत्रात ही विद्यालयाने नावलौकिक कमविला आहे. आज या विद्यालयाचा वर्धापनदिन असून या विद्यालयाने घेतलेली भरारी कौतुकास्पद आहे. यावेळी प्रसिद्ध डॉ संदीप काळदाते, उद्योजक बापूसाहेब खराडे यांनी मनोगत व्यक्त केले धाकोजी महाराज विद्यालयाचा २७वा वर्धापनदिन असल्याने कार्यक्रमाचे आयोजन करण्यात आले होते. या कार्यक्र माचे प्रास्ताविक श्रीपाद आडकर यांनी केले तर आभार प्रार्चाय कय्यूम मोमीन यांनी केले.

वश्वकर्मा ग्रामविकास संस्थेच्या धाकोजी महाराज विद्यालयाला रोटरी क्लब कर्जत सिटी च्या वतीने ८० पुस्तके व एक कपाट भेट म्हणून देण्यात आले यावेळी रोटरी चे अध्यक्ष राजेंद्र जगताप, सचिव काकासाहेब काकडे, डॉ संदीप काळदाते, हभप गोविंद महाराज शिंदे, सरपंच संदीप आजवे, उपसरपंच रविंद्र कोठावळे, चेअरमन सचिन भवर, नगरसेवक प्रसाद ढोकरीकर यांच्या ग्रामस्थ मोठ्या प्रमाणात उपस्थित होते. ढोकरीकर यांचे अभिनंदनग्रामीण भागात विश्वकर्मा ग्रामविकास संस्थेच्या माध्यमातून धाकोजी महाराज विद्यालय सुरू करून निमगाव डाकू व परिसरात शैक्षणिक सोय उपलब्ध करून दिली व २७ वर्षापासून हे विद्यालय विविध क्षेत्रात अग्रभागी राहून यशस्वी वाटचाल करत असल्याने ग्रामस्थांच्या व रोटरी च्या वतीने संस्थेचे अध्यक्ष प्रसाद ढोकरीकर यांचे अभिनंदन करून यथोचित सन्मान केला. व विद्यालय परिसरात प्रमुख पाहुणे व विद्यार्थी च्या हस्ते वृक्षारोपण करण्यात आले.