स्वच्छता कर्मचाऱ्यांची दिवाळी गोड व्हावी म्हणून राष्ट्रवादी काँग्रेसचे नगरसेवक प्रसाद ढोकरीकर यांनी फराळ आणि साडी व कपड्याचे वाटप
कर्जत (प्रतिनिधी) : – कर्जत शहर स्वच्छ आणि सुंदर ठेवण्यासाठी कर्जत नगरपंचायतीच्या स्वच्छता कर्मचाऱ्यांचा मोठा वाटा असून त्यांचा सन्मान करणे आपले कर्तव्य आहे. याच गरीब- वंचित कर्मचाऱ्यांची दिवाळी गोड व्हावी यासाठी राष्ट्रवादी काँग्रेसचे नगरसेवक प्रसाद ढोकरीकर यांनी मोफत फराळ आणि साडी व कपड्याचे वाटप करीत एक आदर्श पायंडा पाडला. यावेळी कर्जत नगरपंचायतीचे पदाधिकारी उपस्थित होते. या भेटवस्तूने स्वच्छता कर्मचारी देखील भारावून गेले होते. कर्जत नगर पंचायतीमध्ये नुकतेच
आ. रोहित पवार यांनी स्वीकृत नगरसेवक म्हणून प्रसाद ढोकरीकर यांची निवड केल्यानंतर येणाऱ्या दिवाळीच्या निमित्ताने कर्जत नगरपंचायतच्या स्वच्छता कर्मचाऱ्यांना ढोकरीकर परिवाराच्यावतीने राष्ट्रवादी काँग्रेसचे नगरसेवक प्रसाद ढोकरीकर यांनी फराळ व साड्या कपड्यांचे वाटप करून या अत्यंत महत्वाच्या घटकांची दिवाळी गोड करण्याचा निर्णय घेतला व त्याची तातडीने अंमलबजावणी करत बुधवार दि ८ नोव्हे रोजी आपल्या संपर्क कार्यालयात या कर्मचाऱ्यांना बोलवत महिला कर्मचाऱ्यांना साडी- चोळी आणि पुरुष कर्मचाऱ्यांना ड्रेस यासह मिठाई व रोख रक्कम कर्जत नगरपंचायतीच्या पदाधिकाऱ्यांच्या उपस्थितीमध्ये सन्मान पूर्वक देण्यात आले. यावेळी बोलताना नगरसेवक प्रसाद ढोकरीकर म्हणाले की, कर्जत शहरातील स्वच्छतेसाठी या कर्मचाऱ्यांचे योगदान महत्वपूर्ण आहे. कर्जत शहर स्वच्छ आणि सुंदर ठेवण्यासाठी कर्जत नगरपंचायतीचे महिला- पुरुष स्वच्छता कर्मचारी मोठी मेहनत घेतात. कचरायुक्त, किळसवाणा, घाणेरडा परिसर अवघ्या काही वेळात स्वच्छ करण्याचे काम करीत आहेत. त्यांच्या कार्याने कर्जत शहराची वेगळी ओळख निर्माण झाली
असून अशा सर्व कर्मचाऱ्याचा सन्मान म्हणून दिवाळी भेट देत असल्याचे ढोकरीकर यांनी म्हटले. यावेळी गटनेते संतोष मेहेत्रे, उप गटनेते सतीश पाटील, नामदेव राऊत, पाणी पुरवठा सभापती भाऊसाहेब तोरडमल, राजेंद्र पवार, युवक शहरचे प्रा. विशाल मेहेत्रे, सुनील शेलार, लालासाहेब शेळके, रवीद्र सुपेकर, भूषण ढेरे, पृथ्वीराज चव्हाण, रोहित पवार यांचे स्वीय सहायक बाळासाहेब साळुंके, सोमनाथ गायकवाड, हजेर काझी यांच्यासह मोठ्या संख्येने स्वच्छता कर्मचारी उपस्थित होते. कार्यक्रमाचे सूत्रसंचालन नगरसेवक भास्कर भैलुमे यांनी केले.
