मकतबे दारूल कूरान राशीन च्या वतीने चिमुकल्यांचा जलसा सोहळा उत्साहात साजरा
राशीन (प्रतिनिधी ):- जावेद काझी.मकतबे दारुल कुराण राशीनच्या वतीने काझी गल्ली येथे जिल्हा परिषद उर्दू शाळेच्या प्रांगणात शुक्रवार दिनांक.८/३/२०२४. रोजी रात्री ८ ते १०. वेळेत मदरशातील चिमुकल्या लहान मुला, मुलांनी, स्टेजवर निर्भीडपणे धाडस दाखवून मुस्लिम समाजातील नागरिकांची मने जिंकत आपापल्या दिलेली जबाबदारी पार पाडत विविध धार्मिक, सामाजिक ,विषयावर भाषणे केली.
यावेळी मुस्लिम समाजातील या छोट्या बालकांनी मुलां-मुलींनी उर्दू ,अरबी, हिंदी,जलसा-ए-आम. कार्यक्रमात भाषणे करीत आपले कौशल्य दाखवत ,या जलशा मध्ये कुराण चे पठण,नातं, पालकांची जबाबदारी वर माहिती, मोहम्मद पैगंबर यांच्या जीवनावर आधारित माहिती, लहान मुलांचे प्रश्न उत्तरे, नमाज, जकात, सदका,रोजा, व्याज घेणे विषयी माहिती, परद्या विषयी माहिती, नमाज पडण्याविषयी माहिती या मकतबे दारुल कुरान राशीन येथे शिकत असलेल्या लहान मुला मुलींनी आपल्या भाषणातून यावेळी उपस्थित असलेल्या मुस्लिम बांधवांना, भगिनींना दिली.
धार्मिक व सामाजिक कार्यक्रमात उत्कृष्ट वक्तृत्व करणाऱ्या लहान मुला मुलींना सन्मानचिन्ह ट्रॉफी देऊन सन्मानित करण्यात आले. प्रमुख मान्यवर(करी सय्यद मसीहुद्दीन साहब इशाअति) यांच्या मार्गदर्शनाखाली जलसा कार्यक्रमाचे आयोजन करण्यात आले होते. यावेळी मौलाना हंजाला साहेब यांनी मुकरीरे खुसुशी पाहुण्यांचे स्वागत केले. (कारी अन्सार साहेब यांनी सामाजिक व धार्मिक विषयावर मुस्लिम बांधवांना प्रवचन दिले. जलशामध्ये चिमुकल्यांनी केलेल्या नेत्र दीपक कामगिरीबद्दल उपस्थित मुस्लिम समाज बांधवांनी, व भगिनींना चिमुकल्यांवर बक्षिसांचा वर्षाव केला. हा संपूर्ण जलसा कार्यक्रम यशस्वी पार पाडण्यासाठी राशीन मधील युवक मुस्लिम समाज बांधवांचे मोलाचे योगदान लाभले.
जलसा कार्यक्रम संपल्यानंतर सर्व उपस्थितांनी जेवणाचा आस्वाद घेत कार्यक्रमाची सांगता झाली.
सूत्रसंचालन मौलाना अब्दुल रहीम यांनी केले तर मौलाना शहानवाज कुरेशी यांनी उपस्थित मान्यवरांचे आभार मानले.
