राशीनमध्ये मोहरम सणाच्या पार्श्वभूमीवर शांतता कमिटीची बैठक संपन्न

राशीन (प्रतिनिधी) जावेद काझी. :- पवित्र मोहरम सणाच्या पार्श्वभूमीवर राशीन येथे शांतता व सुव्यवस्था राखण्यासाठी कर्जत पोलीस स्टेशनचे नूतन पोलीस निरीक्षक (PI) हनुमंत गायकवाड यांच्या अध्यक्षतेखाली मुस्लिम समाजातील प्रमुख नागरिक आणि शांतता कमिटी सदस्यांची महत्त्वपूर्ण बैठक उत्साहात संपन्न झाली. आगामी सण अत्यंत शांततेत, धार्मिक सलोख्याने आणि उत्साही वातावरणात साजरा करण्याबाबत या बैठकीत सविस्तर चर्चा करण्यात आली.बैठकीतील प्रमुख मुद्दे आणि पोलीस प्रशासनाचे आवाहन:परंपरेचा आदर आणि शांतता राखणे: मस्जिद परिसरात सीसीटीव्ही बसवणे,मोहरम हा सण राशीनच्या ऐतिहासिक परंपरेनुसार अत्यंत शांततेत आणि सलोख्याचे वातावरण ठेवून साजरा करावा, असे आवाहन कर्जत चे नूतन पीआय हनुमंत गायकवाड यांनी केले.

नूतन अधिकाऱ्यांचे स्वागत: नुकताच कर्जत पोलीस स्टेशनचा पदभार स्वीकारल्यानंतर पीआय हनुमंत गायकवाड यांची राशिन दूर क्षेत्र मध्येमुस्लिम समाजासोबतची ही पहिलीच बैठक होती. यावेळी समाजातील ज्येष्ठ नागरिकांच्या वतीने त्यांचे पुष्पगुच्छ देऊन स्वागत करण्यात आले.नियम व कायद्याचे पालन: मिरवणुकीचे मार्ग, वेळेचे बंधन आणि ध्वनी प्रदूषण (लाऊडस्पीकर) संदर्भातील शासकीय नियमांचे काटेकोर पालन करण्याचे निर्देश पोलीस प्रशासनाने दिले.अफवांवर विश्वास न ठेवण्याचे आवाहन: सणाच्या काळात सोशल मीडियावरील कोणत्याही आक्षेपार्ह पोस्ट किंवा अफवांवर विश्वास न ठेवता, संशयास्पद बाबी आढळल्यास थेट पोलिसांशी संपर्क साधण्याचे आवाहन करण्यात आले.मुस्लिम समाजाकडून सहकार्याची ग्वाही!या बैठकीत उपस्थित मुस्लिम बांधवांनी व शांतता कमिटीच्या सदस्यांनी नूतन पोलीस निरीक्षकांचे राशीनमध्ये स्वागत केले. तसेच, नेहमीप्रमाणेच यंदाही मोहरम सण अत्यंत शांततेत आणि हिंदू-मुस्लिम बांधवांच्या पारंपरिक एकात्मतेने साजरा केला जाईल, अशी ग्वाही पोलीस प्रशासनाला दिली. या बैठकीला राशीन परिसरातील मुस्लिम समाजातील प्रतिष्ठित नागरिक,

मौलाना रौफ कुरेशी, मौलाना जाबाज कुरेशी, मौलाना रहीम शेख, हाफीज हजला तंबोली, हाफीज अफजल कुरेशी, हाफीज मौलाना शहानवाज कुरेशी, मोहसीन अल्लाउद्दीन काझी, राजूभाई शेख, युसुफ तांबोली, समीर तंबोली, अब्दुल्ला काझी, मदिना मकतब पलटवाडीचे अध्यक्ष ताजुद्दीन काझी, समीर काझी, जावेद काझी, भाजपा अल्पसंख्यांक जिल्हा उपाध्यक्ष अल्ताफ शेख ( ताजू), रसूल शेख (कारखाना). जब्बार शेख (खेड). हाफिज आसिफ . इतर मुस्लिम समाज बांधव मोठ्या संख्येने उपस्थित होते. याप्रसंगी कर्जत पोलीस स्टेशनचे नूतन पोलीस निरीक्षक हनुमंत गायकवाड यांचा सत्कार मदिना मकतब काझी नगर. परीटवाडीचे अध्यक्ष ताजुद्दीन काझी व सचिव जावेद काझी यांच्या हस्ते राशिन दूर क्षेत्र येथे फेटा बांधून श्रीफळ, पुष्पगुच्छ, देऊन सत्कार करण्यात आला. यावेळी पोलीस हेडकॉन्स्टेबल सुतार, पोलीस कॉन्स्टेबल पोकळे, कोल्हे, रायकर, बोराडे, क्षीरसागर, उपस्थित होते..