कर्जत नगरपंचायत ला कायमस्वरूपी मुख्याधिकारी मिळावा म्हणून 26 जानेवारी रोजी तहसील कार्यालयासमोर नगरपंचायत पदाधिकाऱ्यांच्या वतीने अमरण उपोषण

कर्जत (प्रतिनिधी) :- कर्जत नगरपंचायत चे नगरसेवक तथा गटनेते संतोष मेहेत्रे यांनी कर्जतचे तहसीलदार यांना लेखी निवेदन दिले असून या निवेदनात म्हटले आहे की कर्जत नगरपंचायत ला कायमस्वरूपी मुख्याधिकारी तसेच शाखा अभियंता यांच्यासह रिक्त असलेले पदे तात्काळ भरण्यात यावीत, अन्यथा कर्जत तहसील कार्यालयासमोर वरील मागण्यांसाठी दिनांक 26 जानेवारी 2024 रोजी आमरण उपोषण करण्यात येईल. असा इशारा निवेदनातून दिला आहे. तहसीलदार यांना दिलेल्या निवेदनात म्हटले आहे की कर्जत नगरपंचायतला साधारण दीड वर्षापासून कायम मुख्याधिकारी मिळालेले नाहीत, या बरोबरच शाखा अभियंता, लेखापाल, लेखापरीक्षक, नगर रचना सहाय्यक आदी पदे रिक्त आहेत. त्यामुळे कर्जत शहरातील नागरिकांना अडचणींना सामोरे जावे लागत आहे. रिक्त पदांमुळे नागरिकांची कामे वेळेवर होत नाहीत.

त्यामुळे नागरिकांमध्ये नगरपंचायत च्या कारभारा बाबत तीव्र असंतोष निर्माण झालेला आहे. तसेच मागील वर्षी कर्जत नगरपंचायत ला माझी वसुंधरा मध्ये प्रथम व द्वितीय क्रमांक मिळालेला आहे. तरीसुद्धा या नगरपंचायत ला कायमस्वरूपी मुख्याधिकारी उपलब्ध होऊ शकत नाही ही बाब अतिशय खेदजनक आहे. वरिष्ठ पातळीवरून कर्जत नगरपंचायतच्या अडचणी बाबत योग्य ती दखल घेतली जात

नसून रिक्त पदावर नवीन नियुक्तया केल्या जात नाहीत. असा आरोप नगरपंचायतीचे गटनेते तथा नगरसेवक संतोष मेहेत्रे यांनी तहसीलदार यांना दिलेल्या निवेदनातून केला आहे. तसेच या निवेदनात पुढे म्हटले आहे की कर्जत नगरपंचायत ला कायमस्वरूपी मुख्याधिकारी उपलब्ध व्हावे व इतर रिक्त पदे त्वरित भरण्यात यावे या मागणीसाठी कर्जत नगरपंचायत च्या सर्व पदाधिकारी आणि नगरसेवकांनी जिल्हाधिकारी कार्यालय अहमदनगर येथे दिनांक । ऑगस्ट 2023 रोजी 

आमरण उपोषण केले होते. त्यावेळी जिल्हाधिकारी कार्यालयाकडून नगरसेवकांची मागणी महाराष्ट्र शासनाला कळवू असे लेखी आश्वासन दिले होते. परंतु अद्याप पर्यंत कसलीही दखल दखल घेण्यात आलेली नाही. असे या निवेद‌नात मेहेत्रे यांनी म्हटले आहे. या निवेदनावर नगराध्यक्ष उषा राऊत, उपनगराध्यक्ष रोहिणी घुले, नगरसेवक छाया शेलार, सुवर्णा सुपेकर, उपगटनेते सतीश पाटील, भाऊसाहेब तोरडमल, प्रसाद ढोकरीकर, भास्कर भैलुमे, लंकाताई खरात,    

 ज्योती शेळके, ताराबाई कुलथे, प्रतिभा भैलुमे, राजेंद्र पवार, आर्दीच्या स्वाक्षया आहेत. यावेळी राष्ट्रवादीचे शहराध्यक्ष सुनील शेलार, लालासाहेब शेळके उपस्थित होते. या निवेदनाच्या प्रती महाराष्ट्र राज्याचे मुख्यमंत्री एकनाथ शिंदे, अहमदनगर जिल्ह्याचे पालकमंत्री राधाकृष्ण विखे पाटील, जिल्हाधिकारी अहमदनगर, उपविभागीय अधिकारी कर्जत व पोलीस निरीक्षक कर्जत यांना पाठवण्यात आल्या आहेत.